தென்னிந்திய சினிமாவில் முன்னணி கதாநாயகியாக வலம் வந்துக் கொண்டிருக்கும் நடிகை சமந்தா சமீப காலங்களாக ஹீரோக்களுக்கு ஜோடியாக மட்டுமல்லாமல் தன்னுடைய கதாபாத்திரத்திற்கு முக்கியத்துவம் இருக்கும் திரைப்படங்களையும் தேர்ந்தெடுத்து நடித்து வருகிறார். மேலும் இவருடைய நடிப்பில் வெளிவரும் திரைப்படங்களுக்கும் ரசிகர்கள் மத்தியில் நல்ல வரவேற்பு கிடைத்து வருகிறது.
தமிழில் எந்த அளவிற்கு பிரபலம் அடைந்துள்ளாரோ அதேபோல் தெலுங்கு சினிமாவிலும் முன்னணி நடிகையாக வலம் வந்து கொண்டிருக்கும் நிலையில் கடைசியாக இவருடைய நடிப்பில் வெளிவந்த யசோதா திரைப்படம் ரசிகர்கள் மத்தியில் மிகப்பெரிய வரவேற்பினை பெற்றது. இந்த படத்தினை அடுத்து ஹோலிவுடில் தன்னுடைய கால் தடத்தை வைத்துள்ள சமந்தா அரேஞ்ச்மெண்ட்ஸ் ஆப் லவ் என்னும் ஆங்கிலத் திரைப்படத்தில் இயக்குனர் ஃபிலிப் ஜான் இயக்கத்தில் நடித்துள்ளார்.
மேலும் இதற்கு முன்பு நடிகர் விஜய் தேவர் கொண்டாளுடன் இணைந்து ரொமான்டிக் காமெடி என்டர்டைன்மென்ட் திரைப்படமான குஷி திரைப்படத்தில் நடித்து வருகிறார். இவ்வாறு சமந்தா நடிப்பில் அடுத்தடுத்து திரைப்படங்கள் வெளியாகி வரும் நிலையில் ரசிகர்கள் மத்தியில் மிகுந்த எதிர்பார்ப்பு இருந்து வருகிறது. இவர் இந்த அனைத்து திரைப்படங்களையும் அடுத்து சகுந்தலம் என்ற கதாபாத்திரத்தில் சாகுந்தலம் திரைப்படத்தில் நடித்து வருகிறார்.
இந்த திரைப்படத்தின் இயக்குனர் குணசேகரன் இயக்க தெலுங்கில் தயாராகி வருகிறது. மேலும் சகுந்தலம் கதாபாத்திரத்தினை மையமாக வைத்து இந்த திரைப்படம் உருவாகியுள்ளது இந்த திரைப்படத்தில் தேவ் மோகன், மோகன் பாபு, அதிதி பாலன், பிரகாஷ்ராஜ், கௌதமி ஆகியோர்கள் முக்கிய கதாபாத்திரத்தில் நடித்துள்ளார்கள். இந்த படத்திற்கு குணா தயாரிப்பாளர் நீலிமா குணா தயாரித்துள்ள நிலையில் இவரை அடுத்து சேகர் வி ஜோசப் ஒலிப்பதிவு செய்திருக்கிறார்.
மேலும் மணி சர்மா இசையமைத்துள்ளார் தற்பொழுது இந்த திரைப்படத்தின் இறுதிக்கட்ட படப்பிடிப்புகள் மிகவும் விறுவிறுப்பாக நடைபெற்ற வரும் நிலையில் வாரிசு பட தயாரிப்பாளர் தில்ராஜ் அவர்களின் ஸ்ரீ வெங்கடேஸ்வரா கிரியேஷன்ஸ் வெளியிடும் சாகுந்தலம் திரைப்படம் வருகின்ற பிப்ரவரி 17ஆம் தேதி உலகெங்கும் உள்ள திரையரங்குகளில் வெளியாக இருக்கிறது இப்படிப்பட்ட நிலையில் தற்போது இந்த படத்தின் பிரம்மாண்டமான ட்ரெய்லர் வெளியாகி உள்ள நிலையில் சோசியல் மீடியாவில் வைரலாகி வருகிறது.
