With this video released by actress Andrea !! Celebration for bathroom singers: உலகம் முழுவதும் பரவி வரும் இந்த கொரோனா வைரசினால் இந்தியாவிலும் ஊரடங்கு உத்தரவு பிறப்பிக்கப்பட்டு நீட்டித்த வண்ணமே உள்ளது. இதனால் வீட்டிலேயே முடங்கி உள்ள கூலித் தொழிலாளிகள், விவசாயிகள், நடுத்தர மக்கள் என அனைவருமே பாதிக்கப்பட்டு வருகின்றனர்.
அவர்களுக்கு உதவும் வண்ணம் சினிமா பிரபலங்கள், தொண்டு நிறுவனங்கள், அரசியல் கட்சிகள், சமூக ஆர்வலர்கள், தொழிலதிபர்கள், மத்திய மாநில அரசு என அனைவரும் தங்களால் முடிந்த உதவியை செய்து வருகின்றனர். அந்தவகையில் நடிகையும் பாடகியுமான ஆண்ட்ரியா, நடன இயக்குனர் ஜெப்ரி வார்டன், நடிகை வரலட்சுமி இணைந்து நிதி திரட்டுவதற்காக சிறந்த பாடகரை கண்டறிய போட்டி ஒன்றை நடத்த உள்ளனர்.
இதுகுறித்து ஆண்ட்ரியா தனது இன்சடகிராம் பக்கத்தில் வீடியோ ஒன்றை வெளியிட்டுள்ளார். மேலும் அந்த பதிவில் அவர் கூறியிருப்பது.
”அனைவரும் நலமாகவும் பாதுகாப்பாவும் இருப்பீர்கள் என்று நம்புகிறேன். இந்த ஊரடங்கில் வெளியில் இருக்கும் பாத்ரூம் பாடகர்களுக்கு திறமையானவர்களைக் கண்டறியும் போட்டிக்குள் நுழைய ஒரு வாய்ப்பு. நானும் ஜெஃப்ரியும் கல்லூரிக் காலம் முதலே நண்பர்கள். நாங்கள் இருவரும் இணைந்து பல அற்புதமான மேடை நிகழ்ச்சிகளை நடத்தியிருக்கிறோம்.
இந்தக் கடினமான சூழலில் கஷ்டத்தில் இருப்பவர்களுக்கு உதவும் பொருட்டு அவர் இந்த நல்ல காரியத்தை முன்னெடுத்திருப்பது எனக்கு மிகவும் மகிழ்ச்சியாக உள்ளது. இன்னும் எதற்காகக் காத்திருக்கிறீர்கள்? உடனே அந்தப் போட்டிக்குத் தயாராகுங்கள். வெற்றியாளர் நீங்களாகக் கூட இருக்கலாம்”. என அவர் கூறியுள்ளார்.
#andrea #Singer pic.twitter.com/gDcYfM4Hg2
— tamil360newz (@tamil360newz) June 1, 2020