தமிழ் சினிமாவில் முன்னணி நடிகராக வலம் வந்து கொண்டிருப்பவர் நடிகர் விஜய் சேதுபதி. இவரை செல்லமாக மக்கள் செல்வன் என்று அழைக்கப்படுகின்றனர். விஜய் சேதுபதி தற்போது காத்துவாக்குல ரெண்டு காதல் மற்றும் விக்ரம் ஆகிய இரண்டு படங்களில் நடித்து வருகிறார் என்பது நாம் அனைவருக்கும் தெரிந்த ஒன்று.
தற்போது துக்ளக் தர்பார் என்ற திரைப்படத்திலும் நடித்துள்ளார் இந்த படத்தில் ட்ரெய்லர் சமீபத்தில் வெளியானது. இந்த படத்தை தீனதயாளன் அவர்கள் இயக்கியுள்ளார், தயாரிப்பாளர் லலித் குமார் தயாரித்து வருகிறார்.
துக்ளக் தர்பார் படத்தில் விஜய் சேதுபதி, ராஷி கண்ணா, பார்த்திபன் உள்ளிட்ட பல நடிகர்கள் நடித்துள்ளனர். இத்திரைப்படம் அரசியல் மற்றும் நகைச்சுவை கலந்த திரைப்படமாக உருவாகி வருகிறது. இந்த படத்தின் ஃபர்ஸ்ட் லுக் போஸ்டர் ஏற்கனவே வெளியாகியுள்ளது.
இதனிடையே இந்த படத்தின் படப்பிடிப்பு பணிகள் முடிவடைந்து ரிலீசுக்கு காத்து இருந்த நிலையில் கொரோனா இரண்டாவது அலையின் காரணமாக படத்தின் ரிலீஸ் தள்ளிப்போனது. இதனைத் தொடர்ந்து படத்தை நேரடியாக ஓடிடியில் வெளியிட படக்குழு முடிவு எடுத்துள்ளது.
விஜய் சேதுபதி நடித்து துக்ளக் தர்பார் செப்டம்பர் மாதம் 10ஆம் தேதி விநாயகர் சதுர்த்தியை முன்னிட்டு நேரடியாக சன் தொலைக்காட்சியில் ஒளிபரப்பாகிறது. இந்நிலையில் தற்போது துக்ளக் தர்பார் படத்தின் ட்ரெய்லர் வெளியாகி இனையத்தில் வைரலாக பரவி வருகிறது.