ஹேமா ராஜ்

விஜய் டிவியில் ஒளிபரப்பாகும் பாண்டியன் ஸ்டோர்ஸ் சீரியல் மிகவும் ஹிட்டாக ஓடிக்கொண்டிருக்கும் நிலையில் தொடர்ந்து விறுவிறுப்பான எபிசோடுகளுடன் ஒளிபரப்பாகி வருகிறது. அந்த வகையில் தனம் தனக்கு ஏற்பட்ட நோயை வீட்டில் இருப்பவர்களிடம் கூறாமல் மற்ற தனது கடமைகளை செய்து வருகிறார் மேலும் மீனாவும் இதனை பற்றி வீட்டில் இருப்பவர்களிடம் கூறக்கூடாது என்பதற்காக சத்தியமாக உள்ளார்.

இவ்வாறு நாளுக்கு நாள் மீனா வீட்டில் இருப்பவர்களிடம் சொல்லி விடலாம் என கூறியும் அதனை கேட்காமல் தனம் இருந்து வருகிறார். இவ்வாறு இந்த பிரச்சனை போய்க்கொண்டிருக்கும் நிலையில் தற்போது கண்ணனும் லஞ்சம் வாங்கி மாட்டிக் கொண்டிருக்கிறார் எனவே இதனால் குடும்பத்தில் இருப்பவர்கள் அனைவரும் அதிர்ச்சி அடைந்துள்ளனர்.

கண்ணன் முன்பு வாங்கிய லஞ்சத்தை தெரிந்துக் கொண்ட மேல் அதிகாரி எப்படியாவது கண்ணனை பழிவாங்க வேண்டும் என்பதற்காக திட்டம் போட்டு மாட்டி கொடுத்துள்ளார். எனவே இந்த வாரம் எப்படி கண்ணன் இந்த பிரச்சனையில் இருந்து வெளிவர போகிறார் இதற்காக அண்ணன் தம்பிகள் எப்படி உதவ இருக்கிறார்கள் என்பதை வைத்து கதைக்கலம் நகர இருக்கிறது.

இவ்வாறு இந்த சீரியலில் மீனா என்ற கேரக்டரில் நடித்து வருபவர் தான் நடிகை ஹேமா இவர் புதிதாக வீடு ஒன்றை கட்டி இருக்கும் நிலையில் அந்த வீட்டின் ஒவ்வொரு விஷயத்தையும் வீடியோவாக தனது யூடியூப் சேனலில் வெளியிட்டு வருகிறார். ஏற்கனவே இந்த வீடு கட்டிக் கொண்டிருக்கும் பொழுது வீடியோ ஒன்றை வெளியிட்டு இருந்த நிலையில் தற்பொழுது மிகவும் சிம்பிளாக அவருடைய வீட்டில் கிரகப்பிரவேசம் நடத்தி இருக்கிறார்.

அது குறித்த வீடியோவை ஹேமா சோசியல் மீடியாவில் வெளியிட ரசிகர்கள் மத்தியில் வைரலாகி வருகிறது. இந்த வீடியோவை பார்த்த ரசிகர்கள் பலரும் ஹேமாவிற்கு வாழ்த்துகளை கூறி வருகின்றனர் அதோட மட்டுமல்லாமல் ஒவ்வொரு விஷயத்தையும் பார்த்து பார்த்து அவ்வளவு அழகாக வீடு கட்டி உள்ளார்.

ஓலை வீட்டில் வாழ்ந்து வந்து தற்பொழுது இரண்டு அடுக்குமாடி வீடு கட்டிருக்கும் பாண்டியன் ஸ்டோர்ஸ் பிரபலம் தற்பொழுது தன்னுடைய கனவு இல்லத்தை யூட்யூப் சேனலில் பதிவு செய்துள்ள நிலையில் ரசிகர்கள் இவருக்கு வாழ்த்துக்களை தெரிவித்து வருகின்றனர். விஜய் டிவியில் ஒளிபரப்பாகி வரும் பாண்டியன் ஸ்டோர் சீரியலுக்கு ரசிகர்கள் மத்தியில் நல்ல வரவேற்பு கிடைத்து வருகிறது.

நான்கு அண்ணன் தம்பிகளின் பாச உறவினை மையமாக வைத்து ஒளிபரப்பாகி வருவதால் குழந்தைகள் முதல் முதியவர்கள் வரை அனைவர் மனதையும் கவர்ந்துள்ளது. அந்த வகையில் இந்த சீரியலில் ஸ்டாலின், சுஜிதா, வெங்கட், ஹேமா ராஜ்குமார், லாவண்யா, குமரன், தங்கராஜ், சரவணன் உள்ளிட்ட ஏராளமான பிரபலங்கள் இணைந்து நடித்து வருகின்றனர்.

பாண்டியன் ஸ்டோர்ஸ் சீரியல் தமிழில் மட்டுமல்லாமல் தெலுங்கு, கன்னடம் என பல மொழிகளிலும் ஒளிபரப்பாகி வருகிறது. இவ்வாறு அறிமுகமான காலகட்டத்தில் இருந்து தற்போது வரையிலும் வெற்றிகரமாக ஒளிபரப்பாகி வரும் நிலையில் இந்த சீரியலில் இருந்து சமீபத்தில் முல்லை கதாபாத்திரத்தில் நடித்து வந்த காவியா சினிமாவில் நடிப்பதற்கான வாய்ப்பு கிடைத்ததால் இந்த சீரியலில் இருந்து விலகினார்.

எனவே இவருக்கு பதில் லாவண்யா நடித்து வருகிறார். இந்த சீரியலில் மீனா கதாபாத்திரத்தில் நடித்து ஒட்டுமொத்த ரசிகர்களையும் கவர்ந்தவர் தான் ஹேமா ராஜ்குமார். வில்லியாக காட்டப்பட்ட இவருடைய கதாபாத்திரத்தில் சிறிது மாற்றங்கள் இருந்து வருகிறது. ஹேமாவின் சொந்த ஊர் மயிலாடுதுறை இவருக்கு சிறுவயதிலிருந்தே மீடியாவில் மிகவும் ஆர்வமுடையவராக இருந்து வந்துள்ளார். அதன் பிறகு எம்சிஏ படித்துவிட்டு சைதாப்பேட்டை போலீஸ் காவல் நிலை அலுவலகத்தில் சாஃப்ட்வேர் இன்ஜினியராக பணிபுரிந்து வந்துள்ளார்.

இந்நிலையில் இந்த சமயத்தில் இவருக்கு செய்தி வாசிப்பாளராக பணியாற்றுவதற்கான வாய்ப்பு கிடைத்துள்ளது இதன் மூலம் விஜய் டிவியில் ஒளிபரப்பான ஆபிஸ் சீரியரிலும் நடித்திருந்தார். இதனை அடுத்து மெல்லத் திறந்தது கதவு, சின்னத்தம்பி உள்ளிட்ட பல சீரியல்களிலும் குறிப்பிட்ட கதாபாத்திரத்தில் நடித்து வந்த இவருக்கு பாண்டியன் ஸ்டோர் சீரியலில் மீனா என்ற கதாபாத்திரம் திருப்புமுனையாக அமைந்தது.

இதன் மூலம் ஒட்டு மொத்த ரசிகர்களையும் கவர்ந்த தற்பொழுது யூடியூப் சேனல் ஒன்றையும் தொடங்கி இருக்கிறார் அதில் ஏராளமான வீடியோக்களை பதிவிட்டு வரும் இவர் தற்பொழுது சொந்தமாக வீடு கட்டி இருக்கும் வீடியோ ஒன்றை வெளியிட்டுள்ளார். அந்த வீடியோவில் சொந்தமாக வீடு கட்டுவது என்பது என்னுடைய நீண்ட நாள் கனவு இப்பொழுது என்னுடைய கனவு நினைவாகி இருப்பதை நினைத்து சந்தோஷமாக இருக்கிறது நான் நினைத்தபடி என்னுடைய ஒவ்வொரு அறையும் வைத்திருக்கிறோம் என்று ஹேமா கூறியுள்ளார்.