விஜய் டிவியில் மிகப் பிரபலமாக ஒளிபரப்பாகி வரும் சீரியல்களில் ஒன்று ராஜா ராணி சீசன்2 இதன் முதல் பாகத்தை இயக்குனர் பிரவீன் பெண்ணெட் சஞ்சீவ் மற்றும் ஆலியா மானசாவை வைத்து சிறப்பாக எடுத்து முடித்த பின்பு அதன் இரண்டாம் பாகத்தை சித்து மற்றும் ஆலியா மானசாவை வைத்து இயக்கி வந்தார்.
இந்த சீரியலின் இரண்டாம் பாகமும் மக்கள் மத்தியில் நல்ல வரவேற்பைப் பெற்று ஒளிபரப்பாகி வந்த நிலையில் ஆலியா மானசா இரண்டாவது முறையாக கர்ப்பமாக இருந்ததால் இந்த சீரியலில் இருந்து வெளியேறினார். பின்பு அவருக்கு பதில் ரியா என்ற அறிமுக நாயகி நடித்து வருகிறார்.
மேலும் ஆலியா மானசா இந்த சீரியலில் இருந்து வெளியேறியதால் சீரியல் மிகப்பெரிய ஒரு சரிவை சந்தித்துள்ளது. இருந்தாலும் ரியாவும் அவருடைய கதாபாத்திரத்தில் சிறப்பாக நடித்து வருகிறார். இந்த நிலையில் சமீபத்தில் தான் இந்த சீரியலில் சரவணனின் தங்கை பார்வதியின் திருமணம் பல பிரச்சனைகளை தாண்டி சிறப்பாக முடிந்தது.
இதனால் தற்போது சரவணன் சந்தியா குடும்பம் மிக மகிழ்ச்சியில் இருந்து வருகின்றனர். ஆலியா மானசா இதிலிருந்து விலகி சில மாதங்களே ஆகியிருந்த நிலையில் அவரைத் தொடர்ந்து இந்த தொடரில் மற்றொரு முக்கிய பிரபலமும் விலக உள்ளதாக தகவல்கள் வெளிவருகின்றன.
அதன்படி இந்த சீரியலில் வில்லி கதாபாத்திரத்தில் நடித்து வரும் அர்ச்சனாவும் விலக உள்ளதாக கூறப்படுகின்றன. மேலும் சமீபத்தில் நடந்த விஜய் டெலி அவார்ட்ஸ் நிகழ்ச்சியில் அர்ச்சனா ராஜா ராணி சீசன் 2 சீரியலுக்காக விருது வாங்கினார் என்பதும் குறிப்பிடத்தக்கது. இவரும் தற்போது இந்த சீரியலில் இருந்து விலகினால் ராஜா ரயில் சீசன் 2 தொடர் பெரும் சரிவை சந்திக்கும் என எதிர்பார்க்கப்படுகிறது