தமிழ் சினிமாவில் எந்த ஒரு பின்புலமும் இல்லாமல் தனது கடின உழைப்பால் தொகுப்பாளராக பிரபல தொலைக்காட்சியில் பணிபுரிந்து அதன்மூலம் தனது நடிப்பு திறமையை வெளிப்படுத்தி வெள்ளித்திரையில் வாய்ப்பைப் பெற்றவர், தற்போது முன்னணி நடிகர்களில் ஒருவராக வலம் வருபவர், தவிர்க்க முடியாத நடிகர்களில் ஒருவராகவும் இருப்பவர்தான் நடிகர் சிவகார்த்திகேயன்.
இவர் தற்போது டாக்டர் என்னும் திரைப்படத்தில் நடித்துக் கொண்டிருக்கிறார். இந்த திரைப்படத்தை கோலமாவு கோகிலா திரைப்படத்தின் இயக்குனரான நெல்சன் திலீப்குமார் இயக்கியுள்ளார். இந்தத் திரைப்படம் திரையரங்குகள் திறக்கபட்டவுடன் ரிலீஸாகும் என கூறப்படுகிறது.
இந்த படத்திற்கு இசையமைப்பாளர் அனிருத் இசையமைத்துள்ளார். இந்த படத்தின் செல்லமா பாடல் ஏற்கனவே வெளியாகி ரசிகர்களிடையே பெரும் வரவேற்பை பெற்றுள்ளது. இந்த பாடல் 25 மில்லியன் பார்வையாளர்களை கவர்ந்துள்ளது.
இசையமைப்பாளர் அனிருத் தனது இன்ஸ்டாகிராம் பக்கத்தில் பாடல் வீடியோ ஒன்றை வெளியிட்டுள்ளார். இந்த பதிவில் சிவகார்த்திகேயனும் அனிருத்தும் இணைந்து இந்தப் பாடலுக்கு நடனமாடும் வீடியோ வெளியாகி உள்ளது. தற்போது இந்த வீடியோ இணையதளத்தில் வைரலாகி வருகிறது. இதோ அந்த வீடியோ.