இந்தியாவில் வெளியான Honor 10 Lite.! சிறப்பு அம்சங்கள் இதோ

0
94

இந்தியாவில் வெளியான Honor 10 Lite.! சிறப்பு அம்சங்கள் இதோ

சீனாவில் கடந்த நவம்பர் மாதம் அறிமுகம் செய்யப்பட்ட ஹானர் 10 லைட்ஸ்மார்ட்போன் இந்தியாவில் வெளியாகி உள்ளது. வருகின்ற ஜனவரி 20ஆம் தேதி பிளிப்கார்ட் மற்றும் ஹூவாய் ஹானர் ஸ்டோர்களில் விற்பனை செய்யப்படுகிறது.

செயற்கை அறிவாற்றலால் இயங்கும் 24 மெகாபிக்சல் செல்பி கேமரா இந்த ஸ்மார்ட்போனில் அமைந்துள்ளது. மேலும் இந்த ஸ்மார்ட்போன் ஹூவாய் சிலீக்கான் கிரின் 710 எஸ்ஓசி மற்றும் ஆண்டிராய்டு 9 பை மூலம் இயங்குகிறது.

‘டியுடிராப்’ டிஸ்பிளே கொண்ட இந்த ஸ்மார்ட்போன், கடந்த ஆண்டு வெளியான ஹானர் 9 லைட்-ன் ஸ்மார்ட்போன் வெற்றியை தொடர்ந்து வெளியாகவுள்ளது. இந்த ஹானர் 10 லைட் ஸ்மார்ட்போனின் 4ஜிபி ரேம் வகை, ரூபாய் 13,999க்கு விற்பனை செய்யப்படவுள்ளது. அதே ஜிபி ரேம் கொண்ட ஹானர் ஸ்மார்ட்போன் 17,999 ரூபாய்க்கு விற்பனை செய்யப்படவுள்ளது.

இரண்டு மாடல்களும் மிட்னைட் பிளாக், சாப்பையர் புளூ மற்றும் ஸ்கை புளூ நிறங்களில் வெளியாகுகிறது.இந்த போன்களின் ஆன்லைன் விற்பனை வரும் ஜனவரி மாதம் 20ஆம் தேதி சரியாக இரவு 12 மணிக்கு தொடங்குகிறது.

அத்துடன் ஜியோ சார்பாக 2,200 ரூபாய் கேஷ்பேக் மற்றும் கிளியர் டிரிப் சார்பாக 2,800 மதிப்புள்ள வவுச்சர்கள் வழங்கப்படுகின்றன. 1.5 மில்லியனுக்கு மேலான ஹானர் 9 லைட் போன்களை விற்றுள்ளதாக தகவலை ஹானர் நிறுவனம் தகவல் வெளியிட்டுள்ளது.

மேலும் பிளிப்கார்ட் நிறுவனம் வெளியிட்ட 2018ஆம் ஆண்டின் மிகவும் பிரபலமான ஸ்மார்ட்போன்களின் பட்டியலில் ஹானர் 9 லைட் ஸ்மார்ட்போன் இடம்பெற்றுள்ளது என்பது குறிப்பிடத்தக்கது.எனவே இதைத்தொடர்ந்து வெளியாக உள்ள ஹானர் 10 லைட் போன்களும் விற்பனையில் சக்கைபோடு போடும் என்று எதிர்பார்க்கப்படுகிறது.